IZOTZ AROAREN AMAIERA

termostatoaren errobera doitu eta

azken glaziarraren aireak bildu du bilera gela

lamada dago kanpoan

kafe hondarrekin nahastu animalia hezurrak

eragin eta edalontzia irauli etorkizuna iragartzeko

mahai gainean konstelazio herren bat

arbel zurira atera zara dakusazuna azaltzera

labarraren hormetan marrak errotulagailuz

datuak adierazleak zenbakiak grafikoak

ez du itxura onik jainkoak haserre daude

anabasaren erdian mamut bat odolusten

samako ileak laztu dizkit aire girotuak

orduan ohartu naiz zeren eske zatozen

beste jaioberri baten bihotza eguzkiari eskaintzeko