AUTOMATA MATXURATUA

edalontzi bat arropa artean

ezti potea erreminten kutxan

zaparrada ari du kanpoan eta aterkirik ez

zapata bakarra lanpasean

sakelakoa ostu didate

olio beharrean dira sabeleko hortzak

kirrinka egiten dut

latorrizko zango besoei begiratu eta

beren kasa dabiltza

bizkarreko gurpila biraka

ezin kanpora atera giltzarik gabe

kaxoi hauetan behar du falta zaidan denborak

ez naiz iritsiko

lehortu egin zait eztarria urduri dirudit

txorrota zabaldu dute eskuek

bertatik edan dezadan

galdutako mugikorra urez betetzen hasi dira