ERREPIKA

begi zuri bat

zuhaitz artean gordeka

itsaso zikin bat

garabiz betea

hostoek ez dute

aldi berean hartzen lur

begiak zarratzen

ditudanean baizik

gaua begi-kliska bat

hiri bat ageri da goiz-alban

geltokira iristean berokiak

babestuko ote nau hotzetik

mendebalderantz iheska

garabiak herdoil

azala zulatzen du euriak

hutsuneak oinordetzan

intermitentea da izate hau

jakin behar nuke

seme izate hau nolakoa

nahi dudan benetan

Soriako kartzelako

patioan argazki bat

historia errepikatzen dela

esan ohi dute

argitu beharko genuke

aldi honetakoa tragikoa den oraindik

edo dagoeneko fartsa bat

inork ba al daki