SAINT-LAZARE

lasterka atera naiz lurpetik

begirada lur jota altxatu

badira hogeita hamasei ordu

zerua ez dela aldatu

gris hits

negua

bi urte luze

izango dela dirudi

emakume gazte bat

lurrean eserita

oinak gurutzatuta

harlauzetan zabalduta

jertse beltz bat

jendea dabil inguruan

begira geratu naiz

inor ez da sekula gelditzen

begiak barrurantz itzulita

pasatzen dira albotik

eta hori ikusita bi aldiz

pentsatzera paratu gabe

lasterka sartu naiz berriro

lurpean errealitatetik

ihesi egin nahian garaiz

amaituko ote da negua