Itzulera
Itzulera
2017, poesia
96 orrialde
978-84-17051-01-3
azala: Maddi Zumalabe Irastorza
Martin Bidaur
1996, Tolosa (Okzitania)
 
 

 

ERREPIDEAREN ALDE HONETAN

 

 

erdi biluzik balkoira

atera naiz bustita

daude kaleak eta teilatuak

aurrez aurre dakusat

 

eliza erlatiboki berria

mina eternitatea igaro

balitz bezala belaun

azpiko azkura baino ez da

 

eta ohean etzanda

niri begira zaude

toalla zuria izara zurien gainean

erdi biluzik galdera aurpegiz

 

errepidearen beste aldean

entzuten dira otoitz kantuak

egurrezko jarlekuen oihuak

ardoz betetako edalontzi apurtuak

 

euria ari du gela barruan

queen tamainako ohe

esne-mamizkoa bustiz

eta ez dugu elkar salbatuko

 

grinaz azala trukatzen

saiatu arren

erdi biluzik bustita

daude kaleak eta teilatuak