I

historia ez da puntu zehatz batean hasten

esango nuke

baldin eta zertaz ari naizen jakingo banu

begiak itxita

edo zabalik gogoetan

iragandakoak oroitzen saiatzen naiz

oro har alaiak

sufriarazten didaten oroitzapenak

dira gehienak

bada puntu bat zehatza izanik

elastikoa eta beldurgarria ere badena

zulo beltz bat

izandakoa

dena izango dena

irensten duena

oroitzapena baino

berrosatzea ezinezkoa den

hautsitako souvenir bat

historia zulo beltz batean amaituko dela

esango nuke

baldin eta zertaz ari naizen jakingo ez banu

historia hautsitako souvenir batez hasi zen

orain dela hamabi urte

egunkarietan agertu zen etxe batean