TOPA EGIN DEZAGUN

esadazu egia

      beltzean datzala biharamuna

      apartamentu hau

      ez dela inoiz galduko

      loak ez duela dena ezabatuko

      maitasuna

      besarkada isil bat

      besterik ez dela

      oroituko dudana gertatutakoa baino

      ederragoa eta hutsagoa

      edo

      hotzagoa eta zentzudunagoa

      izango dela beti

      promesak

      keinu txikiak direla

      argiak itzalita beste gauza batzuk

      ikusten direla

      birigarroek esnatuko gaituztela bihar

      baina etzi agian ez

esadazu egia

topa egin dezagun