IHES-DESIRA

heriotzak

bi gorpuk

memoria galduaren

saminak

ihes egiteko desira

areagotu baino ez

gau batek suntsi ditzake

egunsenti guztiak

leihotik taxi zurien gainera

salto egitea da

gela honetatik irteteko

erarik azkar eta garbiena

hitzak denboran zintzilik

neure baitan bilduta

urruti noa ihesi

neure burua galtzera

edo itzultzeko

arrazoi baten bila