INFINITUA ETA ETERNITATEA

hiriaren barrunbeetan

metalezko tutu zikinari

begiak itxita gogor heldu

jendearen gainera ez erortzeko

ateak zabaldu

ateak itxi

bitartean mundu oso bat

mugitzen da inguruan

ahotsak entzuten dira

mila hizkuntza mintzo

kantu bat edo bi

doinu ulergaitzak

infinitua eta eternitatea

lotzen diren korapiloan

ari gara balantzaka

bidaia guztiak ez dira

helmugara iritsitakoan amaitzen