ASTELEHENA

jar zaitez plaza baten erdian

egin ezazu negar euskararen egoeraz

agian galdetuko dizu norbaitek

ea ondo zabiltzan eta ziur ez zarela

etxerako balantza-bideaz oroituko

ihesbideari ihesbidea eransten zaio

zeure buruaren eta gorputzaren erantzule

bakar galderei ezikusi egin nahian

ikusiko duzu nola desagertzen den gaua

amesgaiztoari leku egiteko

gibel bat zara bururaino eramana

ezin duzu zikinkeria gehiago irentsi

gibel handi bat zara eta kaletik buruaz

larunbat gauera arte agurtzen zaituzte

astelehenean haiei besteko

higuina izango diozu zeure buruari