LURREAN ESERITA

lurrean eserita

garbigailuari begira

ahoa zabalik

erantzunik ez

zaila da norberaren burua

burukoarekin itotzea

inoiz entzun izan dut

manta artean bildu

eta kolpatzearena

negarra ez da berehala etortzen

ez bada tantaka

eta hegan egin nahi nuke

neure odola errepidean barreiatu

anbulantzia bat

auto zapaldu bat

galera besteren gogoan

inor akordatuko balitz

jasangaitza zait

izatea

ez izatea

eta ez izateko izan beharrekoa

imajinatzea

zaila da norberaren burua

burukoarekin itotzea

hormak ez du erantzuten

kax-kax

hormak ez du erantzuten

eta zergatik ez dakidan arren

eskua hautsita

baina odoletan ez

lurrean eserita nago

garbigailuari begira