UHARTEAK I

Ez dakit nor naizen,

non nagoen ere

ahaztu egiten zait batzuetan.

Begiak zabaldu eta

            badia hutsa

kausitzean oroitzen dut:

hemen nago oraindik.

Negu partean

ateratzen dituzte ontzi guztiak

uretatik, auskalo

non gordetzeko. Udako eguzkitan

hondartzatik uharterantz

luzatzen diren kate

zuriak ikusten dira.

Haizea alde duten aldiro

urrunera abiatzen diren belaontziak

bereizten dira,

badia betetzen duten

kate zurietan euren lekua

hartzera urrunetik bueltan datozenak.