Alea
Alea
2009, poesia
120 orrialde
978-84-92468-08-9
azala: Lander Garro
Beņat Sarasola
1984, Donostia
 
2019, nobela
2007, poesia
 

 

L4

 

Barkamena arazo izaten da beti, ezta Ainhoa?

Gazteak toalla hartuta hondartzara joaten diren

Sasoian, damuak jokoz kanpo geratzen dira. Hemen

Artifizialak dira gehienak, gizakiak eraikitakoak eta

Eskultura irregularrak dituztenak. Ez dago gaizki.

Jendeak euren gauzak hartuta alde egiten duenean

Berriz, jaitsi egiten naiz. Ejertzito baten erretirada

Bezalakoa da. Gertuko etxebizitza garesti batean

Festa baterako prestatzen ari dira, zuk liburu batzuk

Eramaten dituzu. «Emak Bakia» galdetu dizute

Zer esan nahi du? Lau liburu erakutsi dituzu orduan

Esanez bezala: «Hemen duzue erantzuna».

Ia antzeman ezin izan dudan arren, mareak behera

Egin duela dirudi. Zeinen mugatuak diren gure

Zentzuak, pentsatu dut, eta liburu bat seinalatzen

Imajinatu zaitut, «hemen duzu erantzuna» esanez

Bezala. Horrela, beste egun bat alde egiteko bidean,

Capri c'est fini. Kale garbitzaileak gerturatzen hasi

Dira, eta nik, jaiki eta kaleko farolen babesa bilatu

Dut. «Zer esango lukete nire bizia benetan ezagutuz

Gero?» galdegin diot, berriz ere, ene buruari.

«¡Viva La República!» oihukatu du gero norbaitek

Azentu arraro batekin (ez dakit zertara etorri den).

Eta, han, Urrunean, morroi bat ikusten dut gaueko

Itzal artean. Andy Warholen ibilera dauka eta

Kantatzen ari dela dirudi. «Non zeunden zu 1982ko

Apirilaren hamabiko arratsaldeko bostetan?».

«Ospitaleko Kafetegian, zer iruditzen?».

«Kuriositatea baino ez zen» erantzun diot.

«Harrezkero ez naiz itzuli, eta dena ondo badoa,

Ez eta itzuliko ere, jauna». Solas egin dugu ia

Egunsentira arte (ematen zuena baino argiagoa da,

Soilik ez dela garaipenak eramateko gauza).

Ni ez naiz Nemo Kapitaina, itsasoa maite dut bai,

Baina laztanak ez ditut gogoko. Ordu honetan,

Mozkorrek ere hanka egiten dutenean, ez dituzu

Topatuko kalean bakarrizketan. Gora begiratu eta

Argia piztuta dago etxe batean, Ainhoa.