DESERTZIOA

Ahanztura hartu duzu, poltsikoan sartu

eta metrora abiatu zara. Zeu ere metrora.

Azken orduko trenaren bagoi muturrenekora

eraman zaituzte ezagutzen ez dituzun legeek.

Hortxe, azken sentitu zara,

ezerezaren bidaiari,

minaren sabeletik iheslari.

Atea zabaltzen denetan kanpora

irteteko gogoa egingo zaizu. Baina nora,

zeure desertzioan ere galdurik bazabiltza.