IRAKASLEAK

Orain dela hogei urte izan nuen frantses irakaslea

hil egin dela esan didate.

Emakume txikiak,

azentu zirkunflexuarekin bekainetan,

ezpain borobileko letrak egiten zituen,

ahoskera bereziko irriak.

Minbiziak jota hil dela esan dit gaur

hainbeste estimatzen dudan matematikako irakasleak.

Bera depresioak jota dagoela ere esan dit.

Je suis désolé esan du gero negar zotinka

matematikako nire irakasle zaharrak.

Je suis très désolé.