EZ ZARA INOR

Ez zaizu inoiz gertatu kale kantoian

itxuraz ezaguna den aurpegi bat ikusi duzula

eta orduak eta orduak eman dituzula

begirada, kokots hura, soslaia eta ile

distiratsuaren uhinen esanahia

norenak ote diren itaunka, nor ote den

arras hurkoa begitandu zaizun hori?

Ez zaizu inoiz gertatu?

Horixe da niri gertatzen zaidana

zure begitartea akorduan

topatzen dudan bakoitzean.

Eta bai kuriosoa,

dagoeneko, ez zara inor.