INOR EZ

Inor ez,

zure gonaren luzemetraian parte hartzeko gai denik,

zure eskuetako olatuetan nabigatuko duenik,

zure ahoaren tunelean argia piztuko duenik,

zure hareazko geografian eskua galduko ez zaionik.

Inor ez,

zure gezur dekoratuan norberaren desanparoa

        sentituko ez duenik,

zure hiztegi difamatzailean egiaren hondarra

        aurkituko ez duenik,

zure laztanen aginduari, amodioa definitzeko

zure berben delirioari lotuko ez zaionik.