GAU ALDREBESAK

Zabaltzen ditut leihoak iluntasuna kalera atera dadin,

burkoaren azpian asunen kiratsa garbitzen dut,

ezin amata dezaket mesanotxeko lanpararen zurrumurrua,

azken orduko albisteei musika jartzen diet,

koadrozko pijamaren nahasmenak zorabiatzen nau,

sukaldeko arrautzen hondamendiak tristatzen nau,

ez ditut mihiseak guztiz bustitzen,

ez zaizkit betazalak goitik behera ixten.

Ohera sartu eta hurrengo goiznabarra arte

berehala esnatzen naiz.