537 (631)

Egiaztatuko dut orain — Dudarik duenak

Geldi nazala egiaztatzetik — orain —

Utzi alde batera — Eskrupuluak! Heriotzak

Ez du Aukera askorik ematen —

Ibaia Oinetaraino iristen zait —

Oraindik — Bihotza lehor dut —

Oi Maitea — Bizitzak ez ninduen limurtu —

Ahalko luke orduan — Heriotzak? —

Ibaia Bularreraino iristen zait —

Oraindik — Oraindik — Eskuek altxatuta

Aitortzen dute Indar hondarrekin —

Ezagutzen duzu Maitasuna?

Ibaia Ahoraino iristen zait —

Gogoan har — Itsasoak begi

Egarriok irensten dituenean — azkenera arte —

Haiek Zure irrikaz — izan zirela!