486 (473)

Etxeko ezdeusena nintzen —

Gelarik txikiena hartu nuen —

Gauetan, nire Argiontzia, Liburu bat,

Eta Geranio bat.

Isurtzeari uzten ez zion Menda

jaso ahal nuen, eroso jarriz gero

Eta Saskia besterik ez.

Utzidazu pentsatzen — bai, ziur naiz —

ez zegoela besterik.

Ez nuen hitzik esaten — galdetu ezean —

Eta orduan ere — labur eta apal —

Ezin nintzen — ozenki — bizi —

Hainbeste ahalketzen ninduen Zalapartak —

Eta hain urruti ez bazen ere —

Nire ezagunetako batek

alde egitean — askotan uste nuen —

inor ohartu gabe — hil nintekeela —