328 (359)

Bidexkan behera txori bat —

Nik begipean — hark jakin ez —

Zizare bat orduan erdibitu du

Eta gaixoa du, gordinik, irentsi

Eta gero ondoko belar hostotik

Ihintza edan du —

Aldamenka jauzi egin Hesiraino

Kakalardo bati bidea emateko —

Inguruko guztia arakatu du

Begi ongi arinez —

Iduneko baten Ale izutuak, pentsatu nuen —

Buruko Belusa astindu zuen,

Zuhur, arriskuan denaren moduan,

Ogi apurrak eskaini nizkion

Eta lumak harrotu zituen

Etxera zezaten, hegan —

Arraunak urak zatitzean baino arinago,

Zilarreztatuegiak josita egoteko —

Edo Tximeletak baino, Egunaren ertzetik

Murgiltzean, igerian zipriztinik gabe.