169 (180)

Urteak igaro direnean

Ebanozko Kutxan begiratu —

Udek gainean ezarri duten

belusezko errautsa astinduz!

Argitara eskutitz bat heldu —

Papera — dagoeneko — astiak horitua —

Ardoak adina poztu gintuzten

Hitz lausoak errepasatu!

Akaso tiraderetan Lore baten

Masail zimurtua aurkitu —

Aspaldian, goizalde batean

Esku dotore — gaur joandako — batek bildua!

Ile xerlo bat, gure irmotasun ezak

Ahantzi duen kopeta batekoa —

Agian apaingarri bat —

Modak atzera utzi duena!

Eta gero gauzok bere tokian utzi —

Eta atzera ahantzi —

Ebanozko Kutxa txikia

Guri ez balegokigu bezala!