405 (535)

Bakarrago egon ninteke

Bakardaderik gabe —

Hain nago nire Patuari egina —

Akaso Besteak — Baretasunak —

Eten lezake Iluntasuna —

Eta Gelaxka bete lezake —

Beraren — Sakramentua — barruan

Sartzeko — Tamainan — Txikiegia —

Ez nago Itxaropenera ohituta —

Haren desfile eztia — barnera lezake —

Sufrimendurako atondutako

Tokia profanatuz —

Errazagoa liteke

Huts egitea — Lurra begi-bistan —

Nire Penintsula Urdinera iristea baino —

Gozamenez — Hiltzea —