Kolpe zorrik jo gabe

Gela barrura so naizela,

hara zer ikusi dudan oraintxe:

nire aulkia bere lekuan, leiho ondoan,

liburua ipurdiz gora mahaian zabalik.

Zigarroa leihoko arasan,

hautsontzian bere kasa erretzen.

Beti gaixo itxurak egiten!, oihukatzen zidan osabak

aspaldi urrunean. Arrazoi zuen.

Denboratxo bat apartatu dut gaur ere,

egunero bezala, deus ez egiteko.