HEGAL HOTSA ILUNEAN

urteak mamitu ahala

iraganaren lumen ferekak

hartu ohi nau gozo

ohartu gabe ia,

hurrengo aldi baten aurrerakin

aita-amak datozkit

gurasoen etxeko itzalak

gauzen ukitua bisitak usainak

larruazalean josi

ahotsen pentagramak

eta orain berriro

hainbat igurikimen,

oro lotsa eta argitasun atari,

amaren sabelean emandako hondar orduez

gomutatu nahian nabil