NON JAIO

non jaio

zenbatean behin

zertara eta nora

non bizi erabakitzen dugu

erabaki dezakete

borroka berriek

edo gudu zaharminduek

desioak erabaki dezake

lanak larderiak

galdetzen diogu geure buruari

porrotaren lirika beharrezkoa den

goizero jaio ohi gara poxi bat

asperdura zurrun konplizeaz

non bizi norekin

erabaki daiteke hein batean

jendeak baina noizbait

jendearen alde urririk egin duelako

eratzen dira herriak

aldiro jakiteko non jaio

beti behar izan dugu

beste batzuk izan