BESTE ALDI BAT

etxeratze agindu pean

hainbeste jende dena batera

egon al da inoiz munduan

haurren algararik gabe kaleak

balkoi-leihoak mukuru

zeruek hegazkinak eskas

jendea bakarrik hil da

gertukorik gabe eman zaio lur

agurraren burkorik ez

estatua jarri da

espazio eta denbora sozialaren

jabe bakar

geroztik esperantza

galdu izanaren kalteak

ebaluatzeko lanean ari gara

agurraren burkorik gabe

gure bizkarrean tanpez zarratu da

aro baten atea