MUSUA

istilak ari dira ordu eragabeak jotzen,

bi koilarakada egunsentirekin da aski

dena bihur dadin

herri setiotik askatu berri

ez dago presatu beharrik

maitasunez hiltzekotan ordea

hobe arkeologoak sartu aurretik,

bestela edozein unetan edozein tokitan

hasiko dira abisurik gabe

desbideratzen trafikoa

goiz ederrenaren aurrerakin gisa

gerezi txortenek hodei nanoak dakartzate dindilizka

hondartzaren aho irriberaren aurrean,

hori zait arrazoi nagusi

zure ezpainen altzoan nahi izateko akanpatu

gutxienik iritsi arte medikuaren hurrengo txanda

eta kaio hanka horien karranka

iltze okerren herdoil hotsez

datorkit eztarrian gora:

gora euskadiko langileria

gora euskara batua

gora euskadi askatuta

orain egia behar dut:

azken zorion-testak zuri zer eman dizu