Joan da negua
Joan da negua
2011, poesia
104 orrialde
978-84-92468-29-4
azala: Lander Garro
Mikel Ibarguren
1967, Zestoa
 
2002, poesia
1996, poesia
 

 

ITXAROAN

 

zuk hozka dezazun daukat biluzik larrumintza

 

gogamenak ekarri lazturak ahaztu nahirik

jaidura honen sakonera haztatuko dut

ez diot nire buruari zutaz beste egiten utziko

ezin dut orain larritasun hau errendatu

begi-ikara ezkutatu

 

berantaroan jaio izanagatik

ahots guztien behelainoak zeharkatuko ditut

ez naiz isilgordeka ibiliko ertzetik ertzera

itsumenetik irten eta hondamena saihestuko dut

elkarren amildegia baino

elkarren kartografia osa dezagun

 

gaur ez bada bihar iritsiko zara

nigana datozen zubiak zeharkatuz

 

aurpegiaren atzealdean izango nauzu aiduru