EZ DA INOR AGERI

muga ezarrien presentziak ito egiten gaitu oraindik

handik esnatu gara amesgaizto honetara

ez da inor ageri argiaren haraindian

ebakuatu egin dituzte begiradak

begiak husteko abisua eman ostean

ilunpean gabiltza bakardadezko izozmendien kontra

amaraunetik aska ezinik

elkarren haztamuka

hitzak ere zauri ditugun

gorputz hautsion barrenean

lehen elurtearen ostean

ez da oraindik inor jaio gure eskuen uberara

urratu dira arrakalak

aho batez