BIHARRAREN ARRASTOAK

estuegi duzun jertse horrek bezala

estutzen zaitu batzuetan gaitzaldiak

tumore mikroskopikoak errotu zaizkizu han-hemen

ez dakit non dituzun barneratuak

lotzenago zaituzten kate herdoilduak

gazurezko loaren zaindariak

isilik etorriko da oilaritea

itsasaldiaren ahots gordean barnebildurik

erantzunik gabeko galderen ordua da

zure eskuko arrastoetan

biharra non hasten den nahi nuke ikusi