HONANTZA

esan bezala hona behar duzu egin

kontsolamenduaren himnorik ez bada ere

zorigaitzaren behin-behinekotasuna alboratuta

hona egin gura duzun tokitik

hondarpetik ateratako oinazpiak kilimatzeko

Erromardiko harea larria galtzerdietan duzula

azalaren pigmentuan hatz mamiak kolorezta ditzazun

gerrietara lotutako jertseen besarkada bezain

estua nahi nuke zure besoena

gure zainen lehia noiz amaituko den ez dakigularik

gudate berriek erasoko gaituzte baina

inoiz ez bezala gotortuko gara elkarrengana

olatuak hausten diren zokoguneetan babes hartuko

iazko lorratzak noiz lurmenduko diren zain egon gabe

egin hona buruz dakizun bidetik

gure bizitzen oinarrizko kanpalekua dagoen lekura

zoriontsu egiten nauzun honaindira

ez joan orain

aitorpenen maldan behera

oinutsak nire ondoan utzita