URLOETAN

agian betirako galdu dugu irispidean genuen jomuga

eta orain ez dago ezer urrutiko urloetan

belaunaldi galduen gerniketan

basamortuaren lur-lehorrean gabiltza geroztik

gabetasunak zamatzen zorion haziak sakabanatzen

helburu berriak buruan sedimentaturik

zeure txarrean atzo baino alaiago ikusi zaitut

baina oroitzapen nahasietan belaizerik gabe gabiltza

hitz geminatuak ezin ikasiz

gero arte guztiei zentzua eman nahirik

ez zaitez harantzago joan

ez dago deus begiradatik lekora

oihumin hau ez bada sastakoak ematen

gauzen ausentzia ez bada itzalak xaxatzen

orain ez dago ezer gure barruko gernikaz harantzago

berandu da dagoeneko alferrik da

hil ala bizikoa baita bizitzea hemen

hil ala bizikoa hiltzea han

urrutiko urloetan