ESAN BEHARRA

hamarkadaz hamarkada heldu gara

iragankume izatetik

biharko eguna fruitu umotua bailitzan ukitzera

orain eremu laiotzak sumatzen dira

ilundi arpilatuen zimenduetan

eta amodio horien esangura ulertu orduko

hurbiltzen gara amildegiaren ertzera

desiren meandroetan murgilduz

ezin zuen bestela izan

zure sustraiak ikusi ditut

oinazearen epidermisean hazten

eta min dagit ez esateak