EGIA TXIKIAK

iraganaren mende gelditu dira hizkera agortuak

betiko itaunak osatzen du zure galdetegia

uneoro hasi behar honek ezgaitzen zaitu

baina noizbait amaitu beharko du zuketa honek

ahapez datozen biharamunek

paisaia ahaztuen akorduetara egiten dutenean

badakit txikiak direla zure egiak

eta agian ez dira egia bakarrak

baina zureak dira zureak

aterpe gabe gelditu gara

baina elkarren anparoa bilatzeko

bada oraindik zabalik den ostaturik

elkar ulertzeko modua egin dezagun

galtze bakoitzak ez dezan

beste galera bat ekarri gure bizkarrera

gerora ere

ezin izango ditugu saihestu mehatxuak

gorputzon lubaki biluzietan

besoen meniak amaitzen direnerako