Euskerari

        Euskera, Euskera,

Nire asaben hizkera.

        Hizkera goitarra,

Leinu garbiko ta zaharra.

        Ele harrigarri,

Gogo-bihotz asegarri.

        Mintzo bardin gabe,

Hamaika ezkutun jabe.

        Hizkuntza aberatsa,

Nire emaztegai aratza.

        Nire emaztegaia!

Zeugaz eingo dot eztia.

        Zu nirera ekarri,

Beratan andera jarri.

        Ta Jaunak bidali

Bere semeetan igali.

        Daien iragarri

Ama zein den zoragarri

        Ta nik, bere ezkonak,

Dautsadan maitasun ona.

        1933