GALDU EZ DUGUNA

Zaila da keak daroana ikustea,

amestutako aberriaren azken hasperenaren moduan,

lurruna bezain hilkorra,

zaila delako haizearen sekretuak

kezko zapata kutxetan gordetzea.

Non ikasten da agurrak jakako patriketan babesten?

Zergatik ez ote digute erakutsi

zein diren antzaren beldurrak

eta non dagoen esperantzaren aberria?

Zer?

Ze ilargi gorde dugu izarapean...

Ze itsaso arrain-ontzian...

Zer da irabazi duguna...

Harria eta hazia,

galdu ez duguna.