ZIMURRAK

Zimurrak hasi zaizkit azalean

eta errekak zimurretan.

Falta zara, gaur ere ez zara etorri.

Egurrezko aulkian eserita

jarraitzen dut, zuri begira,

eroan zintuzteneko oroitzak gorde nahirik.

Hementxe nago, zuri begira,

sukaldeko leihora okertuta,

eroan zintuzteneko azken fereka interrogatu nahirik.

Gaur ere falta zara egurrezko aulkian.

Eta niri zimurrak hasi zaizkit azalean,

errekak zimurretan.