Tatuaia bat ene begietan
Tatuaia bat ene begietan
2008, poesia
88 orrialde
978-84-92468-03-4
azala: Rafal Olbinski
Txili Lauzirika
1975, Lekeitio
 
 

 

AZKEN MUGETAN

 

Zabaldu ezin diren ateak

aurkitu nituen isiltasunaren

korridorean, zapaldu ahala

xafla hotsak ateratzen dituzten

burdinazko eskailera ilunak.

 

Eternitate guztien pisua daukaten

lauza beltzak, ate infinituak,

bonbilla hautsien labirintoak

jagoten gelditu ziren...

gure agonia ttipiari barrezka

infernuko zaindariak

aritzen diren legera.