Tatuaia bat ene begietan
Tatuaia bat ene begietan
2008, poesia
88 orrialde
978-84-92468-03-4
azala: Rafal Olbinski
Txili Lauzirika
1975, Lekeitio
 
 

 

IZAN ZEN UNE BAT

 

izan zen une bat nitaz oroitu zinena

inolako oroitzapen zehatzik gabe

gogoa asaltatzen duten aitzakiarik gabe

ez konpromisorik ez erreprotxerik

ezer ere esan gabe bat-batean

hurbiltzen den haizearen antzera

ileak nahasiz eta gonak altxatuz

etorri bezala alde egiten duena

jainkoek beren jostetan darabiltzaten

kristalezko kaniketan patua izkiriatzean

mintzatzen diren maitaleen gisan

hitzen beharrizanik gabe

izan zen egun bat nitaz oroitu zinena