HARAGI GALDUA

Gutxi eginik zegoen okela jan duzu.

Adurraren bidez trukatzen ditugun ahoko entzimek

proteina desegiten duten bitartean

hortzen arteko zati deserosoak

ateratzen saiatzen ari zara mingainarekin.

Bat ahoan sentitzen duzunean

aukera bi dituzu: irentsi edo ez.

Zuk zati hori txu egiten duzu

gehiago aprobetxatzerik ez balego bezala.

Zati txiki hori neu naiz.

Etekin handirik ezin atera dakiokeen

haragi galdua.