Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

AMAMA ETA TXORIAK

 

Esne papurrak ematen dizkie neguan txoriei.

Senak gogorarazitako kontua izango da,

baina atzoko ogi gogorra

zakarrontzira botatzekotan dagoenean,

kurloi gosetien deiadarrak buruan saltoka dituela

baieztatuko luke.

Patioko atea zabaldu eta iluntasunari

botatzen dio ogia.

Ametsetan delarik, kurloi erraldoiak datozkio bisitan,

hegotik zintzilik hiri gaineko paseotxoa ematera,

eskerrak ematera,

berak kurloiak bizirauteko konpromisoa hartu betiko

eta milaka salbu direlako eginikoari esker.

Neguko goizetan eta gauetan

esne papurrak ematen dizkie txoriei

itsua den nire amamak,

eta ezin ditu ikusi mokoka papurren gainean,

baina buruan saltoka dituela baieztatuko luke.