Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

PIZTIEN AMODIOA

 

Eta honela izan zen.

Hatsalbo jartzen zen burua.

Desoreka zer zen deskribatzen zuten

zangoen mundua urrun zegoen.

Emozioaz Jainkoak beste endelegatzen genuen.

Hura zen benetako amodioa.

 

Baina errinozeroak zu baino fidelagoak dira,

elefanteak zu baino askoz sentikorragoak,

kide hilak utzi behar direnean

memoria ahaltsu horretan gordetzen baitituzte

negar malkoak,

une haien magia betierekoa.

Eta hori ere benetako amodioa da.