TERMINAL II

Aldizkari horretan hauek bezalako hitzak irakurri ditut:

Schizophrenia, clonazepan eta carbamazepine,

Seasonal Affective Disorder, diazepan,

ailurofobia, galeofobia, elurofobia,

osthomolecular medicine,

haloperidol eta lithium carbonate.

Batzuk ezagunak egiten zaizkit

baina dagoeneko ez ditut hartzen,

gainera ez didate depresioek erasotzen.

Egia esan hartzen ditudanak kuriositatez hartzen ditut.

Benetan kuriositatez.

Zoratzen naute gorri, berde edo

zuriaren gainean izkiriaturik daramatzaten hizkiek.

Hartzen baditut ikasiko ditudalako ustean nago.

Aurpegiaren dardara hau ez da ezer.

Ez dut hiltzeko gogoa sentitzen,

behinola sentitu nuen,

baina orain bizitzeko gogoa daukat.

Horretarako hartzen ditut.