EZ DIRA

Ez dira bide guztiak bide berdinak,

ez dituzte txori guztiek hanka gorriak edo horiak,

eta umeak itotzen dira lo hartu ezinik.

Zure ahoak trapezio forma hartzen du

ezpainetan musua marratzen duzunean.

Ez dira guztiak arroz-soroaren aurpegira makurtzen,

batzuek hodeiertza so egiten dute.

Ez da ikara haizeetan nabaritzen den lantua,

ez eta elausoa mendien kode tristea eta ulergaitza.

Kanabera sarrietan ez dira igel guztiak aztoratzen

eta zure sexua ez da ardo zaharraren arreba.

Zure begiek Boudhanath pagodaren misterioa galdu dute.

Ez dira bide guztiak berdinak

urrats bakoitzean amets egiten duenarentzat.