Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

EZ LIRATEKE

 

Hegaz bageneki

areka okerrik ez litzateke,

zentzuaren hilobirik ez,

onestasun pozoitsurik ez,

lur arrakalatu idorrik ez,

konploteko ukabilkadarik ez,

musuen opakotasunik ez,

gezur klaustrofobikorik ez,

egia hilberrirako koioterik ez.

 

Hegaz bageneki

miseria-koagulu hau ez litzateke,

ezetz hermetikorik ez,

bihotz herdoilkorrik ez,

hematomaren hedadurarik ez,

bizitzaren desbaliotzerik ez,

deslai sorturiko besarkadarik ez,

begiraden despotismorik ez,

zure faltaren haginkadarik ez.

 

Ez lirateke hegaz bageneki;

baina, gaur ere, kalera irten naiz.