ALBISTEA

Etxetik urrun hiltzea ez da etxean hiltzea

Etxetik urrun hiltzea kolpetik hiltzea da

Dei ahoskabea gauaren giharretan hazkaka

Izan zinena adarretatik behera eraikitzea

Ertz guztiak dira zu, baina berandu datoz

Bihotza bezalaxe irekitako maleta ohe gainean

Norbait partitzen ikusi, itzala odoletan duela ohartu

Ez da miraila, ez da ur lohien emana

Ez baitut nahi forma zehatz bat izan dezazun

Ez baitzaitut berba bakarrerako ikusi nahi

Amets izan zen gorputz

Isiltasunarekin lehertzen den adorerako deia

Hitza ebasten digun ukabil itxia lurrera altxatua