IHESLARIAK PAISAJEAREKIN

Harriak mudatu eginen ditu gure izenak

Leihoan inoiz itzaltzen ez den argia geratzen da

Giltza gorde horma arrakalan eta irribarre egiten duzu

Bihar gaitzituko zaigun orainaren hortz zuriak

Gerizondoak ez du fruiturik eman aurten

Hil hurran da. Ondo erakutsi diogu

Eta inoiz beldurrez adierazi nizun ikara hura:

Niri min kristal ehoak zure begian

Argia dago oraindik autobus geltokian

Ezaguna zaigun bidea. Berriro erratzearen beldurra

Gesalak itzulera eder baterako orrazten zaitu