INOIZ BIHOTZAGO

Inoiz bihotzago izan zenak

Amets egiten du oraino apoarmatu izan zen garaiekin

Gogoaren etzanguetan gordetzen ditu elurrak estali oro

Eta baldar dakartza mintzora horditzen den aldiro

Inon bihotzago izan zenak

Balearen erraietan ikasitako hizkuntza adigaitzean ari zaizu

Ez du ahalegindu den arren besterik ikasi

Eta hau noizartekoa den galdetzeke zaramatza trumoipera

Inon bihotzago izan zenak

Uhaitz handiekin egiten duenean amets

Goaiak soin hanpatuak daramatza itsasora

Dagoeneko akitu da uraren orbain gorriak josten

Harriak ditu hondoan, eta hauek beti eginen dute azalera

Zein isiltasun hausten duten pentsatu gabe

Gauerdian iratzarriko gaituzten urratsak

Elkarren antzeko milaka oinatz haizearen lau ertzetan

Aurpegi desberdinak ematen kemin berari

Inoiz bihotzago izan zenak