Susa literatura

Esteban Alberdik lana galdu du, aldentzen ari zaio familia, eta durduzatuta dabil. Baina oraindik gehiago okertuko da bere egoera. Gau batean, kankarrean kolpe handia hartuta aurkitu dute kale bazterrean. Eldarnio betean, denboraren putzuan barneratu da, bi mende eta erdiko jauzian: 1766ko apirilean ikusten du bere burua, gariaren eta artoaren prezioa garestitu dutenean, Azkoiti eta Azpeitietako Matxinadan.

Egungo begietatik aurkezten digu Iñigo Aranbarriren laugarren nobelak 1766ko Matxinada, eta orduko matxinatu eta agintarien arteko harremana erakusten, erreformazale ilustratuen ifrentzua agerian utziz.

elkarrizketak:

Iñigo Aranbarri: “Literaturan gure historiako momenturik oparoenean gaude” (Gara, 2016-05-21)

Iñigo Aranbarri: “Kronika hutsa egin zezakeen beste batek, baina nik literaturaren jolasa nahi nuen” (Argia, 2014-07-20)

Iñigo Aranbarri: “Idazlea nobelarekin dago zorretan, ez berreraikitze historikoarekin” (Hitzen uberan, 2014-06-06)

Iñigo Aranbarri: “Errukia bertikala da beti, goitik beherakoa” (Berria, 2014-05-03)

Iñigo Aranbarri: “Idazleak ezin dio ihes egin bere inguruan gertatzen ari denari” (Berria, 2013-05-03)

bideoak:

Sautrela (2014-04-26)

Don Inorrez (2014-04-11)

kritikak:

Izendatzearen balioa, Alex Gurrutxaga, Berria, 2014-05-04

«Nobelaren eragozpen nagusia subjektuaren aldaketa da. Hasieran —lehen lau kapituluetan— pertsonaia garaikidea aurkezten zaigu protagonista nagusitzat; baina gero, iraganeko istorioan, bere errainua ia erabat desagertzen da. ».

Apirila, Igor Elordui, Aizu!, 2014-06

«Bi istorio daude, beraz, eleberrian, eta horien bidez bi egoeraren arteko paralelismoa egiten du Aranbarrik: egungo krisia eta duela mende bi eta erdikoa. Haatik, ez da nobela historikoa, ez da kronika, bertan kontatzen direnak benetan gertatu ziren arren».

Amets galdua, Aritz Galarraga, Deia, 2014-07-19

«Nola lotzen diren bi denbora planoak? Ez trebezia gutxirekin: etxera bueltan kolpe handi bat jasoko du Alberdik buruan, eta ondorengo ospitale-eldarnioan egingo du istorioak hiru mende atzera, joan-etorrian».

Apirilari odola dario, Joxe Iriarte "Bikila", Berria, 2014-08-01

«Gure handiki txit agurgarrien izenak (Penafloridako kondearena eta enparauenak) irakurtzen ditudanean, “a ze sasikumeak!” etortzen zait burura. Baita batzarkide izan nintzenean ere».

Krisia eta eldarnioa, Javier Rojo, El Correo, 2014-08-09

«Ezker klasikotik hartutako planteamendu ideologikoak daude argumentuaren abiapuntuan, baina idazleak jakin du halako planteamenduak estetikaren aldetik ikusgarria den nobela-diskurtso baten bidez plazaratzen».